.
يا اخر محطه بدرب اليحبون
يمج مر قطاري اووكف من ذاته
يامزنت مطر انطره من اسنين
ذبلان الورد ويريد كطراته
ياعمري وحياتي وسلوة المهموم
يابلبل صباح العذبة نبراته
محطة روحي انتي وتايه بلياج
ياليلي ودمعتي التضوي شمعاته
ياشمعة فرحتي شبيج من طفاج
ابد ماجنت اضن تطفيج شماته
الشامت كلبه اسود وحجيه معسول
شنونفع العسل مسمومه غاياته
يااخرقطار الخذت كلبي وياك
رد كلبي اريده العذبه نسماته
يسئلوني اعله كلبي وكلت كلبي بخير
مايدرون كلبي شكبر ثغراته
من سئلوني عنك كلت روح الروح
مايدرون سهمك تجوي طعناته
القصيده مخربطه تكسر وتجبر بيك
لان من نار كلبي شعري جلماته
يااخر محطه الشوفتني الويل
بنص ذاك الظهر شوفتني نجماته
ياجرح السنين وشهكت الغركان
كلبي شماتجرحه بيك شهكاته
يانخوة اصيله تحن لبنهه بليل
كلبي يصيح بسمك ولك نخواته
يازمزم مدينة احمد المختار
ويانهر الفرات الخان راياته
ياشجرة الياس وياعطر قداح
يازيز صبره التأذي بزاته
كتلك هالقصيده مخربطه وياك
لان حبلي انكطع من مربط اثباته
مجنون اصبحت من كثرت الطعنات
مجنون وتناشغ شوك عبراته
الدردشة|منتديات نجفيون 
تسجيل الدخول
تسجيل
عاجل-عاجل- 
